Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bilboko Zinebin izan diren euskal zinemagileen film laburrak eta dokumentalak berrikusiko dira gaurtik


2008-10-27 17:10

BILBO, 27 (EUROPA PRESS)

Zinebi Bilboko Film Laburren eta Dokumentalen Jaialdiak eta FAS Zine Klubak zinemaldiaren 50. urteurrena ospatuko dute Zinebin izan diren euskal zinemagileen atzera begirako batekin, gaur hasi eta ostegunera bitartean. Sarrera doakoa izango da, Zinebi Gunean, arratsaldero, 20:00etatik aurrera, antolatzaileek jakinarazi dutenez.

Zinez bizi izeneko zikloan, Zinebi Gunera hurbiltzen diren zaletuek zinemaldi bilbotarrean izandako euskal zuzendarien lanak berrikusteko aukera izango dute. Ziklo honen eskutik, publikoak lan hauek guztiak berreskuratu ahal izango ditu, eta, era berean, zenbait euskal zinemagileren garapen zinematografikoa irudien bidez aztertzeko aukera egongo da.

Horrela, gaurko emanaldian, A traves de San Sebastian (Antonio Eceiza eta Elias Querejeta), Pasajes, tres (Javier Aguirre), El carnaval de Lanz (Pio Caro Baroja), Ikuska 1 (Jose Luis Egea) eta

Bihotzez (Pedro Olea) dokumentalak izango dira ikusgai.

Bihar, Barregariaren dantza (Montxo Armendariz), Octubre, 12 (Luis Eguiraun eta Ernesto del Rio), Virtudes Bastian (Francisco Avizanda), Traintime (Julia Juaniz), Amor de madre (Koldo Serra eta Gorka Vazquez), Por un infante difunto (Tinieblas Gonzalez) eta Topeka (Asier Altuna) fikziozko lanak emango dituzte.

Animaziozko lanak izango dira protagonista asteazkenean: Herrialde berdea (Iñaki Nuñez), Pernando Amezketarra (Juan Bautista Berastegi), Kukubiltxo (Juanba Berasategui), Meme y el señor bobo (Myriam Ballesteros), Haragia (Begoña Vicario), Lluvia (Diego Agudo), La gallina ciega (Isabel Herguera),

Perpetuum mobile (Enrique Garcia eta Raquel Ajofrin) eta

Hezurbeltzak, una fosa comun (Izibine Oñederra).

Azkenik, ostegunean, Las seis en punta (Julio Medem), Mama (Pablo Berger), El reino de victor (Juanma Bajo Ulloa), Mirindas asesinas (Alex de La Iglesia), ... ya no puede caminar (Luiso Berdejo), Txotx (Telmo Esnal eta Asier Altuna) eta For(r)est in the des(s)ert (Luiso Berdejo) fikziozko obrak izango dira ikusgai.


240 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin